حیدرآباد کے راجندر نگر میں قتل کی واردات

حیدرآباد: شہرحیدرآباد کے راجندرنگر، میلاردیوپلی علاقہ میں اترپردیش سے تعلق رکھنے والے ایک مزدور کے قتل کی واردات پیش آئی۔

متقول کی شناخت 28سالہ آصف کے طورپر کی گئی ہے جو میلاردیوپلی میں گذشتہ 20دن سے ایک ورکشاپ میں کام کررہا تھا۔

منگل کی شب کام مکمل ہونے کے بعد جب تمام لوگ چلے گئے تو آصف ورکشاپ کے کمرہ میں ہی مقیم رہا۔بدھ کی صبح جب دیگر ورکرس وہاں پہنچے تو انہوں نے دیکھا کہ کیمرے ٹوٹے ہوئے ہیں اور آصف دروازہ نہیں کھول رہا ہے۔

اس بات کی اطلاع پولیس کو دی گئی جس کے بعد پولیس وہاں پہنچی جس نے لاش کو بستر پرپایا۔پولیس نے لاش کو پوسٹ مارٹم کیلئے بھیج دیااور اس سلسلہ میں ایک معاملہ درج کرکے جانچ شروع کردی۔