تلگو یونیورسٹی میں موسیقی کے آلات کے تحفظ کیلئے میوزیم بنانے کی پہل کی ضرورت:وزیرسیتکا

حیدرآباد: تلنگانہ کی وزیر پنچایت راج سیتکانے کہا ہے کہ مشہور ریٹائرڈ ٹیچر جے تروملا راؤ کی جانب سے جمع کردہ موسیقی کے آلات کے تحفظ کے لئے ایک خصوصی میوزیم بنانے کی پہل کی جانی چاہئے۔

سیتکا نے پوٹی سری راملو تلگو یونیورسٹی حیدرآباد میں قبائلی فنون، ثقافت۔ مطالعہ۔تحفظ کے موضوع پر منعقدہ کانفرنس میں مہمان خصوصی کے طورپر شرکت کی۔

اس موقع پر انہوں نے پروفیسر کودنڈارام کے ساتھ یونیورسٹی کے فرسٹ فلور کے کانفرنس ہال میں نصب موسیقی کے بیشتر آلات کا مشاہدہ کیا۔انہوں نے مختلف قسم کے آلات کے ساتھ جدید آلات کو دیکھا اور اپنے بچپن کی یادوں کوتازہ کیا۔