بی جے پی دفتر کے قریب مشتبہ کار کی موجودگی سے سراسیمگی

حیدرآباد: اس وقت سراسمیگی پھیل گئی جب ریاستی بی جے پی آفس نامپلی کے قریب مشتبہ ٹاٹا نانو کارپائی گئی جس کا رجسٹریشن مہاراشٹرا کا ہے۔

اس کارمیں ٹراویلنگ سوٹ کیس پایاگیا جوگاڑی کی پچھے کی سیٹ پر رکھاہواتھا۔ مقامی افراد نے کہاکہ دودن سے نانو کار یہاں پررکھی ہوئی دیکھی جارہی ہے۔

بعدازاں اس سلسلہ میں پولیس کواطلاع دی گئی جس پر پولیس نے کلوزٹیم کو طلب کیا اور کار کی تلاشی لی‘جس میں کوئی مشتبہ چیزنہیں پائی گئی۔

عابڈس پولیس نے کارکادروازہ کھول کر اس میں رکھے سوٹ کیس کی تلاشی لی۔ پولیس نے مقدمہ درج کرکے کارکے مالک کی شناخت کرنے کی کوشش کررہی ہے۔