پاکستانی سیما حیدر کو نوئیڈا عدالت کی نوٹس جاری

لکھنؤ: نوئیڈا کی عدالت نے پاکستان کی سیما حیدر کو نوٹس بھیجا جو غیر قانونی طور پر ہندوستان میں داخل ہوئی اور نوئیڈا کے سچن مینا سے شادی کی۔ معلوم ہوا ہے کہ ان کے پہلے شوہر غلام حیدر نے حال ہی میں اتر پردیش کے نوئیڈا کی فیملی کورٹ سے رجوع کیا اور دعویٰ کیا کہ ان کی شادی باطل ہے۔

 اس کی تحقیقات کرنے والی عدالت نے سیما حیدر کو نوٹس بھیج دیا۔ 27 مئی کو عدالت میں پیش ہونے کا کہا۔ بعد ازاں آئندہ سماعت 27 مئی تک ملتوی کر دی گئی۔

واضح رہے کہ سیما حیدر کے پہلے شوہر غلام حیدر نے الزام لگایا ہے کہ نوئیڈا کے شخص سچن مینا کے ساتھ ان کی شادی غیر قانونی ہے۔ اس تناظر میں ایک ہندوستانی وکیل کی جانب سے نوئیڈا کی فیملی کورٹ میں درخواست دائر کی گئی۔ غلام حیدر کی جانب سے ہندوستانی وکیل مومن ملک نے دلائل دیئے۔

انہوں نے کہا کہ سیما حیدر کی ابھی غلام حیدر سے طلاق نہیں ہوئی۔ اس پس منظر میں سچن کے ساتھ اس کی شادی کو باطل (غیر قانونی) کہا جاتا ہے۔ عدالت نے دلائل سننے کے بعد نوئیڈا پولیس کو نوٹس جاری کرتے ہوئے اس معاملہ پر رپورٹ پیش کرنے کو کہا۔ حال ہی میں اس کی تحقیقات کرنے والی عدالت نے سیما حیدر کو نوٹس بھیجا ہے۔