اے پی میں میگاڈی ایس سی کا نوٹیفکیشن جاری

حیدرآباد: آندھرا پردیش میں میگا ڈی ایس سی 2025 نوٹیفکیشن محکمہ اسکولی تعلیم نے جاری کر دیا ہے۔

ریاست بھر میں حکومت 16,347 اساتذہ کی ملازمتوں کو پُر کرکیاجائے گا۔آندھراپردیش کے وزیراعلی این چندرابابونائیڈو کی سالگرہ کے موقع پر یہ اعلامیہ جاری کیاگیا ہے۔

وزیرتعلیم و آئی ٹی نارالوکیش جو چندرابابونائیڈو کے فرزند ہیں نے ’ایکس‘ پلیٹ فارم کے ذریعہ میگا ڈی ایس سی کا شیڈول جاری کرنے کی اطلاع دی۔

محکمہ اسکولی تعلیم کے ڈائریکٹر وجیا رام راجو کے مطابق، اس میگا ڈی ایس سی سے متعلق مکمل معلومات، متعلقہ سرکاری احکامات، اساتذہ کی ملازمتوں، امتحان کا شیڈول، نصاب اور امدادی مراکز کی تفصیلات اتوار کی صبح 10 بجے سے محکمہ کی سرکاری ویب سائٹ پر دستیاب کروائی جارہی ہیں۔