چوری کے الزام میں۔ستون سے باندھ کر پٹائی، ایک شخص کی موت

حیدرآباد: زیرتعمیر مکان سے لوہے کی سلاخوں کی چوری کا الزام لگاتے ہوئے ایک شخص کو ستون سے باندھ کراس کی بُری طرح پٹائی کردی گئی جس کے نتیجہ میں اس کی موت ہوگئی۔

یہ واقعہ تلنگانہ کے ضلع سنگاریڈی کے ظہیرآباد میں پیش آیا۔

پولیس کے مطابق باگاریڈی پلی کا رہنے والے 32 سالہ مہیش پر لوہے کی سلاخیں چوری کرنے کا الزام لگا کر مکان مالک نے اسے کھمبے سے باندھ کر شدید طورپر اس کی پٹائی کردی جس کے نتیجہ میں اس کی موت ہوگئی۔

اس بات کی اطلاع کے ساتھ ہی پولیس وہاں پہنچ گئی جس نے مقام واقعہ کامعائنہ کیا اور لاش کو پوسٹ مارٹم کے لئے مقامی سرکاری اسپتال منتقل کر دیا۔

پولیس نے کہا کہ اس سلسلہ میں کوئی شکایت نہیں کی گئی۔