ہائی وے پر لاش کو رات بھر گاڑیاں روندتی رہی

بارہ بنکی: اترپردیش کے ضلع بارہ بنکی میں لکھنؤ۔اجودھیا نیشنل ہائی وے پر حادثے کا شکار ہوئے ایک شخص کی لاش کو رات بھر گزرنے والی گاڑیاں روندتی رہی۔

اور پولیس نے اتوار کی صبح مشکل سے شاہراہ پر پھیلے ٹکڑوں کو کسی طرح جمع کیا۔

نیشنل ہائی وے پر بگھورا گاؤں کے نزدیک راہ گیروں نے خوفناک منظر کو دیکھ کر پولیس کو اس کی اطلاع دی۔

اطلاع پاکر موقع پر پہنچی پولیس نے یہاں۔وہاں بکھرے جسم کے اعضاء کو بڑی مشکل سے جمع کیا۔

لا ش کے بکھری پڑی اعضاء کو دیکھ کر اندازہ لگایا جارہا ہے کہ متوفی مرد تھا۔ حادثہ رات میں کب اور کیسے ہوا یہ پتہ نہیں چل سکا ہے۔

سب سے بڑی بات تو یہ ہے کہ ہائی وے پر ایمبولنس تعینات ہے۔ رات میں پولیس کی گشت ہوتی ہے لیکن کسی کو کچھ نہیں پتا چلا۔

پولیس لاش کو پوسٹ مارٹم کے لئے بھیج کر جانچ کررہی ہے۔