حیدرآباد میں ایک مرتبہ پھر آئی ٹی کے چھاپے

حیدرآباد: شہرحیدرآباد میں ایک مرتبہ پھر آئی ٹی کے عہدیداروں نے چھاپے مارے۔آج صبح آئی ٹی کے عہدیداروں نے وسودھا فارما کمیکل لمیٹیڈ کمپنی کی تلاشی لی۔وسودھاگروپ کے سی ای او، ڈائرکٹرس اور منیجنگ ڈائرکٹرس کے مکانات پر بھی یہ چھاپے مارے گئے۔

30عہدیداروں پر مشتمل آئی ٹی عہدیداروں کی ٹیموں نے اچانک ایک ساتھ یہ چھاپے شہر کے ایس آرنگر میں واقع کمپنی کے صدردفتر کے ساتھ ساتھ مادھاپور اور جیڈی مٹلہ میں کمپنی کے دفاتر میں مارے۔

 آئی ٹی کے عہدیداروں کی جانب سے آندھراپردیش کے گنٹور،نرساپور، راجہ مہیندراورم اور دیگر علاقوں میں بھی آئی ٹی کے چھاپوں کی اطلاع ہے۔وسودھا کمپنی مختلف قسم کی دوائیں تیار کرتی ہے۔اس کمپنی میں 113سائنسداں کام کرتے ہیں۔یہ کمپنی 1994میں قائم کی گئی تھی۔