کانگریس کے اقتدار کا ایک ماہ مکمل، ہم حکمران نہیں خادم ہیں۔ چیف منسٹر کا ٹوئیٹ
چیف منسٹر ریونت ریڈی نے اس سلسلہ میں ٹوئیٹ کرتے ہوئے کہا”زنجیروں کو توڑتے ہوئے عوام کی توقعات کے مطابق آزادی کو یقینی بناکرہم نے یہ ثابت کردیا ہے کہ ہم حکمران نہیں خادم ہیں۔
حیدرآباد: تلنگانہ میں کانگریس کے اقتدار کا ایک ماہ مکمل ہوگیا ہے۔ریونت ریڈی نے گذشتہ سال 7دسمبر کو وزیراعلی کے عہدہ کا حلف لیا تھا۔آج انہوں نے اس سلسلہ میں ٹوئیٹ کرتے ہوئے کہا”زنجیروں کو توڑتے ہوئے عوام کی توقعات کے مطابق آزادی کو یقینی بناکرہم نے یہ ثابت کردیا ہے کہ ہم حکمران نہیں خادم ہیں۔
گذشتہ ایک ماہ کے دوران حکمرانی کو عوام تک لے جاتے ہوئے ہم نے جو وعدہ کیا تھا اس کو یقینی بناکر ہم نے ایک نیا تجربہ دیا۔غریبوں کی آواز کو سنتے ہوئے نوجوانوں کی ترقی کی راہ ہموار کرتے ہوئے مہالکشمی اسکیم کے ذریعہ لڑکیوں کے چہرہ پر خوشی دیکھتے ہوئے کسانوں کو بھروسہ دیتے ہوئے اور کاشت کیلئے روشن مستقبل کی طرف ہم قدم بڑھارہے ہیں۔
سرمایہ کیلئے بھی ہم پابند عہد ہیں۔صنعتوں کی ترقی کو اولین ترجیح دیتے ہوئے شہروں کی ترقی کروائی جائے گی۔میں اپنی ذمہ داری نبھاتا رہوں گا“۔
