آکسفورڈ اکنامکس رینکنگ، حیدرآباد ٹاپ10شہروں میں شامل

حیدرآباد: آکسفورڈ اکنامکس جو ایک آزادانہ اکنامک ایڈوائزری فورم ہے‘کی حالیہ رپورٹ کے مطابق حیدرآباد‘ہندوستان کے ٹاپ10شہروں میں جگہ بنانے میں کامیاب رہا۔

عالمی سطح پر حیدرآبادکو564 واں رینک ملا ہے جبکہ ہندوستان میں نوابوں کایہ شہر ٹاپ 10 شہروں میں نواں مقام حاصل کرنے میں کامیاب رہاہے۔

شہر حیدرآباد نے اکنامکس میں 253‘ انسانی سرمایہ میں 524‘ معیاری زندگی میں 882 اور ماحولیات میں 674 نشانات حاصل کئے ہیں۔

ہندوستانی شہروں میں دہلی سرفہرست ہے جبکہ اس تاریخی شہر کو عالمی سطح پر 350 واں رینک حاصل ہواہے۔

عالمی سطح پر بنگلور‘چینائی اور ممبئی کوبالترتیب 411‘472 اور 427 رینک حاصل ہوئے ہیں۔