اپوزیشن کو وزیراعظم مودی کا مشورہ

نئی دہلی: اس بات پر زور دیتے ہوئے کہ عوام نے منفی سوچ کو مسترد کردیا‘ وزیراعظم نریندر مودی نے پیر کے دن اپوزیشن سے کہا کہ وہ اسمبلی الیکشن میں ہار کی بوکھلاہٹ پارلیمنٹ کے اندر ظاہر نہ کریں۔

وہ مثبت سوچ کے ساتھ آگے بڑھے۔ اس سے اس کے تعلق سے عوام کی رائے میں تبدیلی آسکتی ہے۔

وہ پارلیمنٹ کے سرمائی اجلاس سے قبل پارلیمنٹ بلڈنگ کے باہر میڈیا سے بات چیت کررہے تھے۔ انہوں نے کہا کہ یہ اجلاس اپوزیشن کے لئے بہترین موقع ہے۔

شکست پر مایوسی یا بوکھلاہٹ ظاہر کرنے کے بجائے اپوزیشن کو سبق سیکھنا چاہئے۔ مثبت سوچ کے ساتھ اپوزیشن آگے بڑھے گی تو اس کے لئے نیا باب کھلے گا۔