متولی درگاہ حضرات یوسفینؒ سفیان علی کے تقررپر التواء

حیدرآباد: سکریٹری برائے اقلیتی بہبود سیدعمرجلیل نے چیف اگزیکٹیوآفیسر وقف بورڈ کوہدایت دی کہ وہ محمدسفیان علی کی بحیثیت متولی درگاہ حضرت یوسفینؒ مقرر کئے جانے کو ملتوی کردیں۔

اس طرح محمد سفیان علی کودرگاہ حضرات یوسفین ؒ کے متولی کی خدمات سے ہٹادیا جائے گا۔ سفیان علی نے قبل ازیں وقف کو درخواست دی تھی کہ انہیں متولی مقرر کیاجائے لیکن وقف بورڈنے اس کومسترد کردیا تھا لیکن درخواست گزارنے ہائی کورٹ سے رجوع ہواتھا۔

ہائی کورٹ نے درخواست پر غور کرنے کاوقف بورڈکو مشورہ دیاتھا۔ بعدازاں اچانک سفیان علی کو وقف بورڈ نے متولی مقرر کردیا۔حکومت نے اس مسئلہ کاتفصیلی جائزہ لیتے ہوئے سفیان علی کومتولی سے ہٹادینے کا فیصلہ کرتے ہوئے سی ای اووقف بورڈکوفوری اقدام کرنے کی ہدایت دی۔