پرنب مکرجی کی برسی۔صدرتلنگانہ کانگریس کا خراج

حیدرآباد: سابق صدر جمہوریہ، بھارت رتن ایوارڈ یافتہ پرنب مکرجی کی برسی کے موقع پرصدر تلنگانہ پردیش کانگریس کمیٹی مہیش کمارگوڑ کی جانب سے انہیں زبردست خراج عقیدت پیش کیا گیا۔

انہوں نے کہاکہ پرنب مکرجی نے نصف صدی سے زائد عرصہ تک ملک کی سیاست میں نمایاں خدمات انجام دیں۔ وہ کئی بار مرکزی کابینہ میں اہم عہدوں پر فائز رہے اور اپنی بصیرت و قابلیت کے ذریعہ ملک کی سیاست میں ایک منفرد مقام بنایا۔

ان کی طویل سیاسی خدمات اور ملک کے لئے کی گئی قربانیوں کو ہمیشہ یاد رکھا جائے گا۔

مہیش کمار گاڈ نے کہا کہ پرنب مکرجی ایک عظیم مدبر، رہنما اور جمہوری قدروں کے علمبردار تھے۔ وہ نہ صرف کانگریس پارٹی بلکہ پورے ملک کے لئے ایک انمول سرمایہ تھے۔ مہیش کمار گوڑ نے کہا کہ ان کی خدمات آنے والی نسلوں کے لئے مشعلِ راہ ہیں۔

ٹی پی سی سی سوشیل میڈیا وِنگ کی جانب سے جاری کردہ خصوصی پوسٹر میں بھی پرنب مکرجی کی خدمات کو یاد کیا گیا اور انہیں بھرپور انداز میں خراج عقیدت پیش کیا گیا۔