پرینکا گاندھی کا 31اکتوبر کو تلنگانہ کے کولاپور میں انتخابی جلسہ
تلنگانہ میں 30نومبر کو ہونے والے انتخابات کے سلسلہ میں کانگریس نے اپنی مہم میں شدت پیداکردی ہے۔
حیدرآباد: تلنگانہ میں 30نومبر کو ہونے والے انتخابات کے سلسلہ میں کانگریس نے اپنی مہم میں شدت پیداکردی ہے۔
اسی کے حصہ کے طورپر پارٹی کی جنرل سکریٹری پرینکاگاندھی اس ماہ کی 31تاریخ کو محبوب نگر کے کولاپور میں انتخابی جلسہ سے خطاب کریں گی۔
اس جلسہ کو پالمورو پرجابھیری کا نام دیاگیا ہے۔کانگریس کی ریاستی قیادت جلسہ میں عوام کی بڑی تعداد کی شرکت کو یقینی بنانے کیلئے سرگرم ہوگئی ہے۔
انتخابی جلسہ کے انتظامات پر تبادلہ خیال کے لئے پارٹی کے سینئر لیڈرملوروی کے مکان پر کانگریس لیڈروں کا اجلاس ہوا۔
سابق وزیرجوپلی کرشنا راو نے پرینکاگاندھی کو اس جلسہ کیلئے مدعو کیا ہے۔تلنگانہ کے اسمبلی شیڈول کے اعلان کے بعد پرینکاگاندھی کا اس تلگو ریاست میں یہ دوسرا دورہ ہے۔
انہوں نے اپنے بھائی راہل گاندھی کے ساتھ 18اکتوبر کو پارٹی کی انتخابی مہم کا آغاز مُلگ ضلع سے کیا تھا۔کانگریس پارٹی متحدہ محبوب نگر ضلع پر خصوصی توجہ مرکوز کئے ہوئے ہے۔
