پرینکا گاندھی کے شوہر رابرٹ وڈرا کی حیدرآباد آمد (ویڈیو)

حیدرآباد: اے آئی سی سی کے جنرل سکریٹری پرینکا گاندھی وڈرا کے شوہر رابرٹ وڈرا، روحانی دورہ پر جمعہ کے روز حیدرآباد پہونچے۔ وہ یہاں مختلف عبادت گاہوں کو جائیں گے۔

سماج کے مختلف طبقات کے عوام کے بشمول معذور بچوں سے بھی ملاقاتیں کریں گے۔ شمس آباد کے راجیو گاندھی انٹر نیشنل ایر پورٹ پر صحافیوں سے بات چیت کرتے ہوئے رابرٹ وڈرا نے کہا کہ وہ ایک روحانی دورہ پر یہاں آئے ہیں۔

وہ جس طرح ملک بھر کا دورہ کرتے ہیں اس مناسبت سے وہ حیدرآباد آئے ہوئے ہیں۔ میں، چند اداروں کا دورہ کروں گا۔

وہ، نابینا اور معذور بچوں سے بات چیت کریں گے۔ وہ منادر کے ساتھ مساجد بھی جائیں گے۔ وہ دو روزہ دورے پر یہاں آئے ہیں۔

میں یہاں کے عوام سے ملاقات کروں گا جہاں تک مسائل کی یکسوئی کا معاملہ ہے وہ عوام کو درپیش مسائل حل کرنے کی کوشش کریں گے۔