تروملا مندر میں درشن کیلئے قطار۔تلنگانہ کی خاتون کو سانپ نے ڈس لیا

حیدرآباد: اے پی کی مشہورتروملا مندر میں درشن کے لئے لگی شردھالووں کی قطار میں اس وقت کھلبلی مچ گئی جب ایک سانپ نے ایک خاتون کو ڈس لیا۔ یہ واقعہ 300 روپے والے خصوصی درشن کی لائن میں پیش آیا۔

تلنگانہ کے ضلع بھوپال پلی سے تعلق رکھنے والی 27 سالہ مونیکا جب درشن کے لئے قطار میں کھڑی تھی تو اچانک ایک سانپ نے اسے ڈس لیا۔ وہاں موجود دیگر مسافروں اور ٹی ٹی ڈی کے عملے نے فوری طور پر چوکسی دکھائی اور متاثرہ خاتون کو ابتدائی طبی امداد کے لئے اسپتال منتقل کیا۔

ڈاکٹروں نے خاتون بہتر علاج کے لیے تروپتی کے ایس وی آئی ایم ایس اسپتال منتقل کر دیا۔ حکام نے میڈیا کو بتایا کہ مونیکا اب مکمل طور پر خطرہ سے باہر ہے اور علاج کے بعد صحت یاب ہو کر اپنے آبائی مقام کو روانہ ہو چکی ہے۔ اس واقعہ کے بعد قطاروں کے پاس حفاظتی اقدامات مزید سخت کر دیئے گئے ہیں۔