وائرل بخار کا تیز پھیلاؤ

ہمیرپور/ اونا(ہماچل پردیش): اضلاع ہمیر پورو اونامیں وائرل بخار پھیل رہاہے۔ ڈاکٹروں نے ریاست میں دن اوررات کے دوران درجہ حرارت میں قابل لحاظ کمی زیادتی کواس کا سبب بتایاہے۔

محکمہ صحت کے ایک ترجمان نے بتایالوگ خصوصیت کے ساتھ بچے بخار‘قئے‘ کھانسی، گلوں کی تکلیف،اعضاشکنی،درد سراورجسم میں اکڑن کی شکایت پر ہاسپٹل آرہے ہیں۔

ترجمان نے مزیدبتایاکہ اوناکے علاقائی ہاسپٹل سے روزانہ تقریباً50 مریض رجوع ہورہے ہیں۔ ہاسپٹل کے سینئر میڈیکل سپرنٹنڈنٹ ڈاکٹررمیش شرمانے بتایاکہ گذشتہ چند دن سے موسم کی تبدیلی کے نتیجہ میں وائرل بخارکے کیسوں میں اضافہ ہواہے۔

عوام صبح اورشام کے اوقات میں گرم ملبوسات استعمال کریں اوربچوں کوگرم رکھیں۔ہمیرپور میں واقع ڈاکٹر رادھاکرشنن ہاسپٹل میں لوگ بخار،قئے اوراسہال(پیچش) کی شکایت لے کر اوپی ڈی میں قطار میں کھڑے ہیں یافرش پر بیٹھے دیکھے جاسکتے ہیں۔