حیدرآباد

عوام کو صحتمند رکھنے نئے اقدامات کیے جائیں گے: جی کشن ریڈی

کشن ریڈی نے کہا کہ نئی نسل کے بچے صحت مند ہوں گے تو ہی ملک صحت مند ہو گا۔ انہوں نے کہا کہ یہ سب کی ذمہ داری ہے کہ وہ اس بات کو یقینی بنائیں کہ تغذیہ کی کمی کے باعث مائیں اور بچے بیمار نہ ہوں۔

حیدرآباد:مرکزی وزیر سیاحت جی کشن ریڈی نے کہا کہ ملک کے تمام طبقات کے عوام کو صحت مند رکھنے کے لیے نئے اقدامات کیے جائیں گے۔ انہوں نے حیدرآباد کے مشیرآباد میں ویل بے بی شو میں شرکت کی۔

متعلقہ خبریں
بچوں کے ادب پرحیدرآباد میں سہ روزہ بین الاقوامی "جشن رنگ بچپن” سمینار
ہر ووٹر کو حق رائے دہی سے استفادہ کرنے کشن ریڈی کا مشورہ
اردو ہال حمایت نگر میں آج اور کل قومی سمینار  – "حسرت موہانی” پر مقالوں کی پیشکشی
ٹی یو ڈبلیو جے ایف کے ایک وفد کی چیرمین تلنگانہ میڈیا اکیڈیمی سے ملاقات
جمعیت علماء عنبرپیٹ کا مشاورتی اجلاس، ممبرسازی مہم کو مکمل کرنے اور عظمتِ صحابہؓ و یومِ آزادی کے پروگرامز پر اہم فیصلے

اس موقع پر انہوں نے کہا کہ بچوں کی غذائیت کے لیے بیشتر پروگرام شروع کیے گئے ہیں۔ وزیراعظم مودی نے ماؤں اور بچوں کو کٹس دیئے ہیں۔انہوں نے کہا کہ یہ پروگرام آنے والے دنوں میں تمام علاقوں میں منعقد کیا جائے گا۔

انہوں نے کہا کہ نئی نسل کے بچے صحت مند ہوں گے تو ہی ملک صحت مند ہو گا۔ انہوں نے کہا کہ یہ سب کی ذمہ داری ہے کہ وہ اس بات کو یقینی بنائیں کہ تغذیہ کی کمی کے باعث مائیں اور بچے بیمار نہ ہوں۔

 یہ کہتے ہوئے کہ مرکزی حکومت خواتین کی بہبود کے لیے کئی پروگراموں کو نافذ کر رہی ہے،انہوں نے کہا کہ غریب خواتین کے لیے مفت ایل پی جی گیس سلنڈر، آیوشمان بھارت اسکیم کے تحت مفت علاج اور مفت بیت الخلاء کی تعمیر جیسے پروگراموں کو نافذ کیا جا رہا ہے۔