منی پور میں 11 پولنگ اسٹیشنوں پر دوبارہ پولنگ جاری

امپھال: منی پور میں لوک سبھا انتخابات کے پہلے مرحلے کے دوران 19 اپریل کو شر پسندوں کے ووٹروں کو دھمکانے، الیکٹرانک ووٹنگ مشینوں (ای وی ایم) کو تباہ کرنے اور گولی باری سے بھڑکھے تشدد کے بعد انر منی پور پارلیمانی حلقہ کے تحت 11 پولنگ اسٹیشنوں پر پیر کو دوبارہ پولنگ کرائی جا رہی ہے۔

ریاستی الیکشن کمیشن کے ذرائع کے مطابق،کھورئی اسمبلی حلقے میں موئرنگ کمپو ساجیب اپر پرائمری اسکول اور ایس ایوبوبی پرائمری اسکول (ایسٹ ونگ)، کھیتری گاؤ 4، اوریپوک 3 اور تھونگجو اور کونتھوجم 01-01 بوتھس پر اضافی فورسز کی موجودگی کے ساتھ سخت سیکورٹی کے درمیان پولنگ صبح 7.00 بجےشروع ہوئی۔

ذات پات سے متاثر منی پور میں طے شدہ دو مرحلوں کی ووٹنگ کے پہلے مرحلے میں 19 اپریل کو الیکشن کمیشن نے انڈیا گروپ کی کانگریس پارٹی کی شکایات کے بعد ان بوتھوں پر ووٹنگ کو کالعدم قرار دے دیا تھا۔

کانگریس نے اپنی شکایت میں الزام لگایا تھا کہ مختلف بوتھوں پر مسلح افراد نے قبضہ کر رکھا ہے اور اس کے پولنگ ایجنٹوں اور کارکنوں کو دھمکیاں دی گئی ہیں۔