جوگولامباگدوال میں سڑک حادثہ،2 افرادہلاک

حیدرآباد: تلنگانہ کے جوگولامباگدوال ضلع میں پیش آئے سڑک حادثہ میں دوافرادہلاک ہوگئے۔یہ حادثہ ضلع کے نیشنل ہائی وے 44 بیچوپلی پل پر صبح 6 بجے کے قریب اُس وقت پیش آیا جب ٹائر بدلتے وقت پنکچر ہونے والی گاڑی سے کار کے ٹکرا جانے کے سبب دو افراد موقع پر ہی ہلاک ہوگئے۔

 تفصیلات کے مطابق بولیرو گاڑی جو کرنول سے حیدرآباد کی طرف جارہی تھی کا ٹائر پنکچر ہوگیا اور ٹائر بدلنے کیلئے اس گاڑی کو سڑک کے کنارے روک دیا گیا۔

اسی دوران تیز رفتار کار نے اس گاڑی کو ٹکر دے دی جس کے نتیجہ میں دو افراد موقع پر ہی ہلاک ہوگئے۔ اطلاع ملتے ہی پولیس وہاں پہنچی جس نے اس سلسلہ میں ایک معاملہ درج کرکے جانچ شروع کردی۔