تلنگانہ کے ضلع میدک میں سڑک حادثہ۔باپ اور بیٹا ہلاک

حیدرآباد: تلنگانہ کے ضلع میدک میں پیش آئے سڑک حادثہ میں باپ اور بیٹا ہلاک ہوگئے۔

یہ حادثہ ضلع کے ویلور کے قریب اُس وقت پیش آیا جب کار کو کنٹینر نے ٹکر دے دی۔

تفصیلات کے مطابق ضلع کے نرسم پلی سے تعلق رکھنے والا 50 سالہ نائیک اپنے چھوٹے بیٹے 10 سالہ انکت کے ساتھ کار میں چیگنٹہ جارہا تھا کہ ویلور کے جنگلاتی علاقہ میں قومی شاہراہ پر اس کار کا ٹائر پھٹ پڑا جس کے نتیجہ میں اس نے کار کا توازن کھودیا اور یہ کار رانگ روٹ پر چلی گئی۔

اسی دوران حیدرآباد سے آنے والے کنٹینرنے کار کوٹکر دے دی اور دونوں باپ بیٹے موقع پر ہی ہلاک ہوگئے۔