سعودی ایرلائنس نے تاریخ رقم کی

ریاض: سعودی عرب کی قومی فضائی کمپنی السعودیہ کا بعد ازحج آپریشن مکمل ہو گیا۔ ایر لائن کی آخری فلائٹ گزشتہ روز مدینہ منورہ سے انڈونیشیائی حجاج کو لے کرروانہ ہوئی۔

خبر رساں ادارہ کی رپورٹ کے مطابق سعودی ایرلائنس (فلائنگ کوڈ ایس وی)کے ڈائرکٹر گراؤنڈ آپریشن محمد عبدالرزاق نے کہا کہ رواں برس حج سیزن کے دونوں مراحل 74 دن پر مشتمل تھے۔

رپورٹس کے مطابق سعودی عرب کی قومی فضائی کمپنی السعودیہ کے ذریعہ 8 لاکھ 8  ہزار سے زیادہ حجاج کو دوطرفہ سفری سہولت فراہم کی گئی۔اُنہوں نے کہا کہ ایرلائن کے ذریعہ 145ممالک سے حجاج کو سفری سہولت فراہم کی گئی جس میں 147 طیاروں کے ذریعہ 4400 پروازوں کو آپریٹ کیا گیا۔

السعودیہ کا ”حج بغیرسامان“ کا اقدام کافی کامیاب رہا جس سے حجاج کو سہولت ہوئی اور ایرپورٹس پر حجاج کو آمد و رفت میں کسی قسم کی پریشانی نہیں اُٹھانی پڑی۔ رپورٹس کے مطابق آپریشن کے دوران 2 لاکھ 40 ہزار آب زم زم کی بوتلیں حجاج کو فراہم کی گئی ہیں۔