سینئر فلم ڈائریکٹر اپنی رہائش گاہ میں مردہ دستیاب

کوچی: کیرالہ کے ایک سینئر فلم ڈائریکٹر پرکاش کولیری منگل کو ویاناڈ میں اپنی رہائش گاہ میں مردہ دستیاب ہوئے۔ ان کی عمر 65 سال تھی۔

1987 میں ان کی پہلی فلم Mizhiyithalil Kanneerumayi ریلیز ہوئی تھی جب کہ 2013 میں ان کی آخری فلم Pattupusthakam   ریلیز ہوئی تھی۔

کولیری کی ہدایت کاری میں بننے والی دیگر فلمیں ورم ورتھیرکیلا اور آون آنند پدمنابھن ہیں۔ اس کے علاوہ انہوں نے چار دیگر فلموں کے اسکرپٹ بھی لکھے تھے۔

وہ ویاناڈ میں اپنے گھر میں اکیلے رہتے تھے۔ ان کے بارے میں بتایا گیا تھا کہ وہ گزشتہ دو دنوں سے لاپتہ ہیں۔ ان کے رشتہ داروں نے گھر پہنچ کر دروازہ توڑا تو وہ مردہ پائے گئے۔