صدرتلنگانہ کانگریس ریونت ریڈی سے ایس آئی ٹی کی پوچھ گچھ

حیدرآباد: تلنگانہ کانگریس کے صدرریونت ریڈی جنہوں نے تلنگانہ پبلک سرویس کمیشن (ٹی ایس پی ایس سی) کے پیپر لیک ہونے کے معاملہ کے سلسلہ میں مختلف الزامات لگائے تھے سے آج خصوصی جانچ ٹیم (ایس آئی ٹی) نے پوچھ گچھ کی۔

 قبل ازیں کانگریس لیڈروں کے امکانی احتجاج کے پیش نظر پولیس نے کئی کانگریسی لیڈروں کو گھروں پر نظربند کردیا تاکہ احتجاج کے سبب کوئی ناخوشگوار واقعہ پیش نہ آئے۔

 ایس آئی ٹی کے عہدیداروں نے ٹی ایس پی ایس سی پیپر لیک ہونے پر الزامات عائد کرنے کے بعد ریونت ریڈی کو نوٹس جاری کی تھی جس میں ان سے خواہش کی گئی تھی کہ وہ 23 مارچ کو ایس آئی ٹی کے سامنے اپنے الزامات کے سلسلہ میں پیش ہوں۔

 پولیس نے کانگریس لیڈروں اور کارکنوں کو آنے سے روکنے کے لیے سیکورٹی میں اضافہ کردیا ہے۔

 پولیس نے صرف ریونت کی گاڑی کو ایس آئی ٹی آفس جانے کی اجازت دی ہے۔