حلقوں کی حد بندی سے جنوبی ہند کو نقصان نہیں پہنچناچاہئے:ریونت ریڈی

حیدرآباد: تلنگانہ کے وزیراعلی ریونت ریڈی نے مرکزی حکومت کی جانب سے کی جانے والی پارلیمنٹ کے حلقوں کی حد بند ی کے طریقہ کار میں تبدیلی کی ضرورت پر زور دیتے ہوئے، آندھرا پردیش تنظیم جدیدایکٹ کے تحت ریاست میں اسمبلی حلقوں کی تعداد کی تعداد میں اضافہ کے لئے اسمبلی میں قرارداد پیش کی۔

 انہوں نے مرکز سے درخواست کی کہ آبادی کے تناسب کے مطابق درج فہرست ذاتوں اور درج فہرست قبائل کے لئے مختص نشستوں میں اضافہ کیا جائے۔ انہوں نے مزید کہا کہ مرکز کو حلقوں کی ازسرنوحد بندی کے عمل کو اس انداز میں انجام دینا چاہیے کہ جنوبی ریاستوں کے مفادات کو نقصان نہ پہنچے۔