گاڑیوں کے نامناسب نمبرپلیٹس پر سخت کارروائی، سائبرآباد ٹریفک پولیس کا انتباہ

حیدرآباد: تلنگانہ کی سائبرآباد ٹریفک پولیس نے گاڑیوں کے مناسب نمبرپلیٹ نہ ہونے پر سخت کارروائی کا انتباہ دیا ہے۔ ٹریفک پولیس نے حالیہ دنوں کے دوران سڑکوں پر گاڑی سواروں بالخصوص بائیک سواروں کی جانب سے فینسی نمبرپلیٹس کا استعمال، نمبرپلیٹس کو چھپانے کے واقعات کے پیش نظر سوشیل میڈیا کے اہم پلیٹ فارم ٹوئیٹر پر اس خصوص میں بیداری پید اکی۔

ساتھ ہی سائبرآبا دٹریفک پولیس نے انتباہ دیتے ہوئے کہا کہ گاڑیوں کے نمبرپلیٹس قواعد کے مطابق ہونے چاہئے۔نمبرپلیٹس کے حروف واضح طورپرنظرچاہئے، نمبرکے نظرآنے میں کوئی بھی رکاوٹ نہیں ہونی چاہئے۔

ٹریفک پولیس نے واضح کیا کہ نمبرپلیٹ پر نمبر کے علاوہ دوسری تحریریں نہیں ہونی چاہئے۔یہ بیداری ایک ایسے وقت کی گئی جب شہر میں بعض نوجوان اپنی بائیکس کی نامناسب نمبرپلیٹس کو ٹریفک چالانات سے بچنے کیلئے چھپارہے ہیں۔