اننت پور ضلع کے کلیانہ درگ میں سب رجسٹرار کو رشوت لیتے ہوئے رنگے ہاتھوں پکڑا گیا

کلیانہ درگ میں ایک ریئل اسٹیٹ ڈیلر ناگندر نائیک سے 5 لاکھ روپے رشوت لیتے ہوئے اے۔سی۔بی حکام نے سب رجسٹرار نارائن سوامی کو گرفتار کر لیا۔

تفصیلات کے مطابق، کلیان درگ میں ڈیڑھ ایکڑ زمین کی رجسٹریشن کے لیے نارائن سوامی نے ریئل اسٹیٹ کاروباری ناگندر نائیک سے 5 لاکھ روپے رشوت طلب کی تھی۔

نارائن سوامی نے زمین کی مارکیٹ ویلیو کو زیادہ ظاہر کرتے ہوئے، ویلیو کو کم دکھا کر رجسٹریشن کرنے کی پیشکش کی۔ اسی دوران اے۔سی۔بی نے اننت پور میں واقع نارائن سوامی کی رہائش گاہ پر چھاپہ مار کر اسے رشوت لیتے وقت گرفتار کر لیا۔

بعداذاں نارائن سوامی کو کلیان درگ سب رجسٹرار آفس لے جایا گیا، جہاں ریکارڈز اور غیر قانونی رجسٹریشنز کی چھان بین کی گئی۔

بتایا جا رہا ہے کہ وائی۔سی۔پی حکومت کے دوران نارائن سوامی دھرمورم سب رجسٹرار کے طور پر بھی تعینات تھے اور ان پر بدعنوانی و غیر قانونی سرگرمیوں میں ملوث ہونے کے الزامات پہلے سے موجود تھے۔