شاہ رخ خان اور میں ایک ہی سگریٹ پیتے تھے: منوج باجپائی

نئی دہلی: منوج باجپائی اور شاہ رخ خان دونوں کی آج بالی ووڈ میں بڑی پہچان ہے۔ شاہ رخ خان بالی ووڈ کے بادشاہ ہیں جب کہ منوج بائیپائی سنجیدہ اداکاری کیلئے جانے جاتے ہیں اور انہوں نے اپنی اداکاری کا لوہا منوایا ہے۔ ان دنوں منوج او ٹی ٹی پر ہلچل مچا رہے ہیں۔

 لیکن ایک وقت تھا جب یہ دونوں ستارے فلموں میں قدم رکھنے کیلئے جدوجہد کر رہے تھے۔ منوج باجپائی نے حال ہی میں اپنے ایک انٹرویو کے دوران اس دور کا ایک واقعہ سنایا۔ منوج نے بتایا کہ کیسے وہ اور شاہ رخ ایک ہی سگریٹ پیتے تھے۔

گلتا انڈیا کو انٹرویو دیتے ہوئے منوج باجپائی نے بتایا کہ ممبئی آنے سے پہلے وہ دونوں دہلی میں تھے۔ دونوں ستارے اس وقت دہلی میں بیری جان کے تھیٹر گروپ کا حصہ تھے۔

 تاہم انہوں نے بتایا کہ وہ وہاں کئی سالوں سے ہیں اور شاہ رخ وہاں صرف چند ماہ کیلئے آئے تھے۔ منوج نے مزید کہا کہ تھیٹر گروپ میں کوئی بھی شخص اکیلے سگریٹ نہیں پی سکتا۔ دو چار آدمی ایک ساتھ ایک ہی سگریٹ پیتے تھے۔

منوج کا مزید کہنا تھا کہ اگر کسی کے پاس پیسہ ہوتا تو بھی اکیلا سگریٹ نہیں پیتا، بانٹنے کی روایت کو جاری رکھتے ہوئے سب مل کر سگریٹ پیتے ہیں۔ وہاں کی روایت تھی کہ اگر کوئی آپ سے کچھ شیئر کرے تو اب آپ کو کرنا پڑے گا۔

منوج نے بتایا کہ شاہ رخ صرف چند ماہ کیلئے بیری جان تھیٹر گروپ کا حصہ رہے، پھر وہ اپنا کریئر بنانے کے لیے ممبئی آئے۔ منوج شیکھر کپور کی ڈاکو کوئین کرنے کے بعد ممبئی آئے تھے۔