تلنگانہ: گلاس فیکٹری میں بڑے پیمانہ پر آگ لگنے کا واقعہ

حیدرآباد: تلنگانہ کے ابراہیم پٹنم میں رشب انڈسٹریز گلاس فیکٹری میں کل شب بڑے پیمانہ پر آگ لگنے کا واقعہ پیش آیا۔

شارٹ سرکٹ اس واقعہ کی اہم وجہ تھی۔

اس واقعہ کے نتیجہ میں فیکٹری جل کر مکمل طورپر خاکستر ہوگئی۔

کل شب پیش آئے اس واقعہ کے سبب آگ کے ساتھ بڑے پیمانہ پر کثیف دھواں بھی نظرآرہاتھا۔

اس واقعہ میں کوئی جانی نقصان نہیں ہوا اور کسی کے جھلسنے کی کوئی اطلاع نہیں ملی ہے البتہ بڑے پیمانہ پر مالی نقصان ضرورہواہے۔

اس بات کی اطلاع فوری طورپر پولیس کو دی گئی جس نے فائربریگیڈ کے عہدیداروں کو اس خصوص میں چوکس کیا۔

فائربریگیڈ کے عہدیداروں نے وہاں پہنچ کر آگ پر قابوپایا۔

اس واقعہ میں کسی کی موت نہ ہونے اور کسی کے بھی نہ جھلسنے پر تمام نے راحت کی سانس لی۔

پولیس نے اس سلسلہ میں ایک معاملہ درج کرکے جانچ شروع کردی۔