تلنگانہ: سڑک حادثہ میں ایک خاتون ہلاک

حیدرآباد: تلنگانہ کے کتہ گوڑم ضلع کے گوتمی پورم میں پیش آئے سڑک حادثہ میں ایک خاتون ہلاک ہوگئی۔

مقامی افراد کے مطابق، 51 سالہ جانکماں جو بورگمپاڈو کی قبائلی اقامتی گرلز اسکول میں باورچی کے طور پر کام کرتی تھیں اپنے رشتہ دار کے ساتھ موٹر سائیکل پر اسکول جا رہی تھی۔جب وہ گوتمی پورم کے قریب پہنچے تو سامنے سے آنے والی ایک تیز رفتار کار نے ان کی موٹر سائیکل کو ٹکر مار دی۔

اس حادثہ میں موٹر سائیکل کے پیچھے بیٹھی جانکماں سڑک پر گر موقع پر ہی ہلاک ہوگئی۔موٹر سائیکل چلانے والا اور خاتون کا نواسہ بھی زخمی ہوگیا جنہیں فوری طور پر بھدراچلم ایریا اسپتال منتقل کیا گیا۔

جانکماں کا تعلق ریاست آندھرا پردیش کے وررام چندرپورم منڈل سے تھا، تاہم وہ ملازمت کے سلسلے میں بورگمپاڈو میں مقیم تھی۔

اس کی لاش کو پوسٹ مارٹم کے لئے بھدراچلم ایریا اسپتال منتقل کیا گیا ہے۔ ورثا کی شکایت پر بورگمپاڈو پولیس نے مقدمہ درج کر کے تحقیقات کا آغاز کر دیا ہے۔