تلنگانہ:منشیات کا استعمال کرنے کے بعد لڑکوں کا مقامی افراد پر حملہ

حیدرآباد: منشیات کے استعمال کے بعد چار نابالغ لڑکوں نے تلنگانہ کے جگتیال ٹاون میں ہنگامہ آرائی کی۔

ایک دوسرے پر حملہ کے علاوہ ان لڑکوں نے مقامی افراد پر سنگباری کی جنہوں نے ان کو بچانے کی کوشش کی تھی۔

مقامی افراد نے اس بات کی اطلاع چائلڈویلفیرعہدیداروں کو 1098ڈائل کرتے ہوئے دی جس کے بعد یہ عہدیدار وہاں پہنچے۔

ان عہدیداروں کو دیکھ کر تین لڑکے ودیانگر بائی پاس کی سمت فرارہوگئے جبکہ ایک لڑکے نے ان پر پتھروں سے حملہ کیاتاہم بالاخر اس لڑکے کو پکڑنے میں کامیابی حاصل کرلی گئی جس کو کریم نگر کے رسکیوہوم منتقل کردیاگیا۔