وزیراعلی تلنگانہ کوانوکھا اعزاز،ہارورڈ کینیڈی اسکول کی پہلی اے آئی کانفرنس میں خطاب کی دعوت

حیدرآباد: تلنگانہ کے وزیراعلیٰ اے ریونت ریڈی کو ایک انوکھا اعزاز حاصل ہوا ہے۔ انہیں ہارورڈ کینیڈی اسکول کے زیراہتمام منعقدہ پہلی اے آئی کانفرنس میں بطور مہمانِ خصوصی شرکت اور خطاب کی دعوت دی گئی ہے۔

واضح رہے کہ ہندوستان سے صرف انہیں ہی اس کانفرنس کے لئے مدعو کیا گیا ہے۔ اپنے دورہ امریکہ کے آخری دن وزیراعلیٰ نے ہارورڈ یونیورسٹی میں بین الاقوامی اداروں کے نمائندوں، ایم آئی ٹی، کولمبیا جیسی نامور یونیورسٹیوں کے طلبہ اور سابق طلباء سے ملاقات کی۔

اس دوران قیادت، معاشی ترقی، پائیداری، ماحولیاتی تحفظ، کسانوں کی فلاح و بہبود اور خواتین و نوجوانوں کی بااختیاری جیسے اہم موضوعات پر تفصیلی تبادلہ خیال کیا گیا۔