تلنگانہ: دہلی پبلک اسکول کی بس کو آگ لگ گیی

حیدرآباد: تلنگانہ کے سنگاریڈی ضلع کے امین پور بلدیہ حدود میں واقع کِستاریڈی پیٹ گاؤں میں جمعرات کی صبح دہلی پبلک اسکول کی بس میں اچانک آگ لگنے کا واقعہ پیش آیا۔

خوش قسمتی سے تمام طلبہ وقت پر بس سے باہر نکلنے میں کامیاب ہو گئے اور کوئی جانی نقصان پیش نہیں آیا۔

شبہ ظاہر کیا جا رہا ہے کہ انجن میں تکنیکی خرابی کی وجہ سے بس میں اچانک آگ بھڑک اٹھی۔ ڈرائیور نے فوری طور پر حاضر دماغی سے کام لیتے ہوئے گاڑی کو روکا اور مقامی افراد کی مدد سے تمام بچوں کو بحفاظت بس سے باہر نکال دیا۔

مقامی افراد نے آگ پر قابو پانے کی کوشش کی اور فائر بریگیڈ کے پہنچنے تک پانی ڈال کر شعلوں کو محدود کرنے کی کوشش کی۔

بعد ازاں فائربریگیڈ نے موقع پر پہنچ کر آگ پر مکمل قابو پالیا۔ پولیس نے واقعہ کی تحقیقات کا آغاز کر دیا ہے۔