بیگم پیٹ فلائی اوور پر سڑک حادثہ، ڈی سی ایم ویان کے ٹائر ٹوٹ گئے

حیدرآباد: بیگم پیٹ فلائی اوور پر آج صبح ایک تیز رفتار ڈی سی ایم ڈیوائیڈر سے ٹکرا گئی، جس کے باعث علاقہ میں خوف و ہراس پھیل گیا اور ٹریفک کا نظام درہم برہم ہوگیا۔ حادثہ اس وقت پیش آیا جب گاڑی بیگم پیٹ سے پنجہ گٹہ کی طرف جا رہی تھی۔ حادثہ کے نتیجے میں ڈی سی ایم کے اگلے پہیے ٹوٹ گئے، جس سے فلائی اوور پر طویل ٹریفک جام ہو گیا۔

پولیس نے فوری طور پر موقع پر پہنچ کر صورتحال پر قابو پایا اور ٹریفک کو بحال کروایا۔ حادثہ کی ابتدائی تحقیقات کے مطابق ڈرائیور کی نیند کے باعث یہ حادثہ پیش آیا۔ خوش قسمتی سے کوئی جانی نقصان نہیں ہوا، تاہم پولیس نے مقدمہ درج کر کے مزید تفتیش شروع کر دی ہے۔