تلنگانہ انتخابات:تمل ناڈو پولیس کو روانہ کرنے چیف سکریٹری کا مکتوب

حیدرآباد: تلنگانہ کے انتخابات کے سلسلہ میں بندوبست کے لئے تمل ناڈوپولیس کی بھی خدمات حاصل کی جائیں گی۔

اس خصوص میں تلنگانہ کی چیف سکریٹری شانتی کماری نے تمل ناڈو حکومت کو مکتوب روانہ کرتے ہوئے کہا کہ انتخابات کی سیکوریٹی کے لیے 5 ہزار پولیس ملازمین بھیجے جائیں۔

تمل ریاست کے ہوم ڈی جی پی ونیاپیرومل نے اس مکتوب کے بعد تمام اضلاع کے ایس پیز کو ایک سرکلرروانہ کیاجس میں الیکشن ڈیوٹی میں حصہ لینے کے خواہشمند پولیس ملازمین کو تلگو ریاست بھیجنے کی ہدایت دی گئی۔

تمل ناڈو کے ڈی جی پی نے سرکلر میں کہا کہ ملازمین کو27 نومبر کو تلنگانہ بھیجا جائے۔