تلنگانہ:رشوت لیتے ہوئے آبکاری انسپکٹر پکڑاگیا

حیدرآباد: آبکاری کے سرکل انسپکٹر کو رشوت لیتے ہوئے رنگے ہاتھوں پکڑلیاگیا۔

تفصیلات کے مطابق تلنگانہ کے ضلع محبوب نگر کے جڑچرلہ آبکاری سرکل انسپکٹربالاجی کو محکمہ انسداد رشوت ستانی کے عہدیداروں نے رشوت کی رقم لیتے ہوئے رنگے ہاتھوں پکڑلیا۔

اس عہدیدارنے پوتولامڈگوگاوں سے تعلق رکھنے والے تروپتیا نامی شراب کا کاروبارکرنے والے شخص سے لائسنس کیلئے90ہزارروپئے رشوت طلب کی۔

اس نے 25ہزارروپئے کی رقم پہلے ہی حاصل کرلی۔وہ بقیہ رقم 65ہزارروپئے لے رہا تھا کہ اس کو پکڑلیاگیا۔