تلنگانہ کے وزیر انفارمیشن ٹکنالوجی نے جنتر منتر پر احتجاج کرنے والی ریسلرس کی حمایت کی

حیدرآباد: تلنگانہ کے وزیر انفارمیشن ٹکنالوجی کے تارک راما راو نے جنتر منتر پر احتجاج کرنے والی ریسلرس کی حمایت کی ہے۔

سوشیل میڈیا کے اہم پلیٹ فارم ٹوئیٹر پرسرگرم تارک راماراو نے ایک ٹوئیٹ کرتے ہوئے کہا کہ ہم اُس وقت جشن مناتے ہیں جب ملک کے لئے یہ چیمئپن عزت و وقار لاتے ہیں۔

ہم اب ان کے ساتھ کھڑے ہیں اور ان سے یگانگت کا اظہار کرتے ہیں کیونکہ یہ،انصاف کی لڑائی لڑرہے ہیں۔

ریسلنگ فیڈریشن کے سربراہ کے خلاف جنسی ہراسانی کے سنگین الزامات کی غیرجانبدارانہ جانچ کرتے ہوئے انصاف کیاجانا چاہئے۔

انہوں نے ریسلرس کے مظاہرہ کی مکمل طورپر حمایت کی۔