تلنگانہ انٹرمیڈیٹ نتائج کا اعلان، طالبات کا شاندار مظاہرہ

حیدرآباد: تلنگانہ انٹرمیڈیٹ سالانہ امتحانات کے نتائج کا اعلان کر دیا گیا ہے۔ یہ نتائج نامپلی میں واقع انٹرمیڈیٹ بورڈ کے دفتر میں ریاست کے نائب وزیر اعلیٰ بھٹی وکرامارکا، کومٹیرڈی وینکٹ ریڈی اور پوننم پربھاکر نے مشترکہ طور پر جاری کیے۔

انٹر فرسٹ ایئر اور سیکنڈ ایئر دونوں میں طالبات نے بہترین کارکردگی کا مظاہرہ کیا ہے۔ فرسٹ ایئر کے نتائج میں کامیابی کا مجموعی تناسب 65.96 فیصد رہا، جن میں طالبات کا تناسب 73.83 فیصد جبکہ طلبہ کا تناسب 57.83 فیصد رہا۔ اس امتحان میں کل 4,88,430 طلباء شریک ہوئے جن میں سے 3,22,191 کامیاب قرار پائے۔

سیکنڈ ایئر میں کامیابی کی شرح 65.65 فیصد رہی، طالبات کا کامیابی تناسب 74.21 فیصد اور طلبہ کا 57.31 فیصد رہا۔ اس امتحان میں 5,08,582 طلباء شریک ہوئے جن میں سے 3,33,908 کامیاب ہوئے۔