تلنگانہ: کارالٹ گئی۔ 1.5کروڑروپئے کی رقم دوتھیلوں میں پائی گئی

حیدرآباد: تلنگانہ کے ضلع کھمم میں تیز رفتار کار الٹ گئی جس میں 1.5کروڑروپئے کی رقم پائی گئی۔

یہ واقعہ ضلع کے کاسومنچی منڈل کے کیشوپورم علاقہ میں پیش آیا۔

حادثہ کے ساتھ ہی مقامی افراد کی بڑی تعداد وہاں جمع ہوگئی جنہوں نے دوتھیلوں میں بڑے پیمانہ پر رقم دیکھ کر اس بات کی اطلاع پولیس کو دی جس کے بعد پولیس وہاں پہنچی۔

پولیس نے شبہ ظاہر کیا کہ یہ رقم رائے دہندوں میں تقسیم کرنے کیلئے لے جائی جارہی تھی۔پولیس نے اس رقم کو ضبط کرلیا۔

حکام اس بات کی جانچ کررہے ہیں کہ اس رقم کا ذریعہ کیا ہے، اس کو کہاں پر لے جایاجارہاتھا۔پولیس نے اس سلسلہ میں ایک معاملہ درج کرلیا۔