تلنگانہ: نابالغ عاشق اور معشوقہ نے ایک ہی رسی سے پھانسی لے کر خودکشی کرلی

حیدرآباد: والدین کے شادی سے امکانی انکار کے خوف سے تلنگانہ کے ضلع سدی پیٹ کے دوباک میں نابالغ عاشق اورمعشوقہ نے خودکشی کرلی۔

یہ واقعہ لچم پیٹ علاقہ میں بدھ کی صبح پیش آیا۔

پولیس نے بتایا کہ دوباک سے تعلق رکھنے والی انٹرمیڈیٹ سال دوم میں زیرتعلیم نابالغ طالبہ،لچم پیٹ کا رہنے والا نابالغ انٹرمیڈیٹ سال دوم کاطالب علم ایک پرائیویٹ کالج میں زیرتعلیم تھے۔

کچھ عرصہ سے یہ دونوں ایک دوسرے سے محبت کرتے تھے۔

اسی دوران بدھ کو لڑکے اورلڑکی نے ایک مکان میں ایک ہی رسی سے پھانسی لے کر خودکشی کرلی۔

لڑکے کے افراد خاندان نے ان دونوں کو پھانسی پر لٹکتاہوا دیکھ کر پولیس کو اس بات کی اطلاع دی جس کے بعد پولیس نے وہاں پہنچ کر ضابطہ کی کارروائی کی اور لاشوں کو پوسٹ مارٹم کے لئے بھیج دیا۔