تلنگانہ:جگتیال ضلع میں غیر مجاز جھونپڑیوں کو عہدیداروں نے منہدم کردیا۔

حیدرآباد: تلنگانہ کے ضلع جگتیال کے کورٹلہ میں سنگم روڈ پر سرکاری اراضی پر ڈالی گئی غیر مجاز جھونپڑیوں کو عہدیداروں نے منہدم کردیا۔

اس موقع پر ان جھونپڑیوں میں رہنے والی خواتین نے مزاحمت کی کوشش کی جس کو ناکام بنادیاگیا۔

ان کے احتجاج سے علاقہ میں کچھ دیر کیلئے ہلکی کشیدگی پھیل گئی۔

انہوں نے حکومت اور حکام کے خلاف نعرے بازی کی۔پولیس کی بھاری تعداد کے ساتھ پہنچ کر حکام نے ان جھونپڑیوں کو منہدم کرنے کی کارروائی کی۔

اسی کارروائی کے خلاف سی پی ایم کی قیادت میں خواتین نے احتجاج کیا۔

آج صبح پولس کی مدد سے ریونیو حکام نے جے سی بی سے جھونپڑیوں کو منہدم کردیا۔

جھونپڑیوں کو ہٹانے کے خلاف خواتین نے سی پی ایم کی قیادت میں آر ڈی او آفس پر احتجاج کیا۔

بڑی تعداد میں آر ڈی او آفس جانے والی خواتین اور سی پی ایم لیڈروں کو پولیس نے روک دیا جس کی وجہ سے حالات کشیدہ ہو گئے ۔