تلنگانہ:ڈبل بیڈروم مکانات کے لئے احتجاج

حیدرآباد: مقامی افراد کے بجائے دیگر علاقوں کے عوام کو ڈبل بیڈروم مکانات فراہم کرنے کی شکایت کرتے ہوئے تلنگانہ کے ضلع رنگاریڈی کے منصورآباد کی ایروکلاناچارم کالونی کے سامنے عوام نے احتجاج کیا۔

انہوں نے برہمی ظاہر کرتے ہوئے کہاکہ قرعہ اندازی کے طریقہ کار کے مطابق جاری کردہ فہرست میں بستی میں رہنے والے کسی بھی غریب کا نام نہیں ہے۔

انہوں نے کہاکہ بستی میں ڈبل بیڈروم کی اسکیم کے مطابق حکومت نے 288مکانات تعمیر کئے تاہم اس میں سے تقریبا200مکانات کی تقسیم کی گئی ہے۔

انہوں نے کہاکہ بقیہ مکانات غیرمقامی افراد کے حوالے کئے گئے ہیں۔انہوں نے ان بقیہ مکانات کو مقامی افراد کے لئے الا ٹ کرنے کامطالبہ کیابصورت دیر بڑے پیمانہ پر احتجاج کابھی انتباہ دیا۔