تلنگانہ:بس اسٹینڈ میں سوئی ہوئی نوبیاہتا دلہن کی عصمت دری

حیدرآباد: بس اسٹینڈ میں سوئی ہوئی نوبیاہتا دلہن کی عصمت دری کا واقعہ تلنگانہ کے چیوڑلہ میں پیش آیا۔

پولیس کے مطابق کیشم پیٹ منڈل کے کوتھاپیٹ گاؤں کی رہنے والی ایک 20سالہ خاتون کی چار ماہ قبل شادی ہوئی تھی۔

شادی کے ایک ہفتہ بعد اس کا اپنے شوہر سے جھگڑا ہوگیا جس کے بعد وہ چیوڑلہ میں اپنی بہن کے مکان کیلئے روانہ ہوئی۔

اس کی بہن گھر پر نہ ہونے کی وجہ سے وہ بس اسٹینڈ پر آ گئی۔ گاؤں جانے کے لیے کوئی بس نہیں تھی، وہ حالت نشہ میں تھی اور بس اسٹینڈ پر سو رہی تھی۔

اس دوران دو نوجوانوں نے اس کی تنہائی کا فائدہ اٹھاتے ہوئے اس کی عصمت دری کی۔ بس اسٹینڈ پر آئے افرادنے خاتون کو برہنہ پڑا دیکھ کر پولیس کو اطلاع دی جس کے بعد پولیس وہاں پہنچی جس نے خاتون کو معائنہ کیلئے اسپتال پہنچایا۔

پولیس نے وہاں لگے سی سی ٹی وی فوٹیج کامعائنہ کیاجس پر پتہ چلا کہ انل کمار اور راجو نے اس کی عصمت دری کی۔پولیس نے انہیں حراست میں لے کر ریمانڈ کردیا۔