جونیئر طالبعلم کی ریگنگ، 12 آئی بی ایس طلباء معطل
حیدرآباد: آئی سی ایف اے آئی فاؤنڈیشن فار ہائر ایجوکیشن (آئی ایف ایچ ای) پرائیویٹ ڈیمڈ ٹو بی یونیورسٹی نے سنیچر کی رات ایک جونیئر طالب علم کی ریگنگ کے واقعہ کے سامنے آنے کے ایک دن بعد 12 آئی بی ایس سینئر طلباء کو معطل کرنے کا اعلان کیا۔
آئی سی ایف اے آئی رجسٹرار کے دفتر نے ایک بیان میں کہاکہ "انسٹی ٹیوٹ نے انتہائی مستعدی سے کام کیا ہے اور تمام 12 متعلقہ طلباء کو فوری طور پر معطل کرنے کا فیصلہ کیا ہے۔” بیان میں کہا گیا ہے کہ "ادارے کا ایسی ناپسندیدہ حرکتوں کے خلاف ‘زیرو ٹالرینس’ ہے۔”
ریگنگ کا ایک ویڈیو سوشل میڈیا پر وائرل ہوا جس میں ایک جونیئر طالب علم کو سینئر آئی بی ایس طلباء پٹائی اور اس کی تذلیل کررہے ہیں۔
یہ واقعہ جمعہ کو اس وقت منظر عام پر آیا جب ایک جونیئر طالب علم نے وزیر کے ٹی راما راؤ اور سائبرآباد پولیس کو ٹیگ کرتے ہوئے ٹویٹر کے ذریعہ ویڈیو شیئر کیا۔
شنکر پلی پولیس نے کل شہر کے مضافات میں واقع شنکرپلی منڈل میں واقع آئی بی ایس کالج کے آئی سی ایف اے آئی بزنس اسکول (آئی بی ایس) میں ایک طالب علم کو مبینہ طور پر ریگنگ کرنے کے الزام میں طلباء کے ایک گروپ کے خلاف مقدمہ درج کیا ہے۔
ملزمان کے خلاف قتل کی کوشش کی دفعہ 307، اپنی مرضی سے چوٹ پہنچانے کے لئے 323، جرم کرنے کے لئے 450، مجرمانہ دھمکی دینے کے لئے 506 اور تعزیرات ہند (آئی پی سی) کی مشترکہ ارادے کے لئے دفعہ 34 کے تحت مقدمہ درج کیا گیا ہے۔
پولیس نے مبینہ طور پر ادارے کے خلاف لاپروائی کا مقدمہ بھی درج کر لیا ہے۔
