تلنگانہ: ڈینگی بخار سے ایک سات سالہ لڑکی کی موت

حیدرآباد: تلنگانہ کے ہنمکنڈہ ضلع میں ڈینگی بخار سے ایک سات سالہ لڑکی کی موت واقع ہوگئی۔

تفصیلات کے مطابق ویلور منڈل مستقر سے تعلق رکھنے والے ایک جوڑے کے تین بچے ہیں جن میں دو لڑکیاں اور ایک لڑکا شامل ہیں۔

دوسری بیٹی کو آٹھ روز قبل تیز بخار ہوا تو والدین نے مقامی آر ایم پی ڈاکٹر سے علاج کروایا لیکن افاقہ نہ ہونے پر چار روز قبل اسے ایک پرائیویٹ اسپتال لے گئے جہاں معائنوں کے بعد ڈاکٹروں نے ڈینگی کی تشخیص کی۔

پلیٹ لیٹس کی تعداد خطرناک حد تک کم ہونے پر خون بھی چڑھایا گیا لیکن لڑکی صحتیاب نہ ہوسکی اوراس کی موت ہوگئی ۔ اس واقعہ پر والدین غم سے نڈھال ہوکر روتے رہے۔ سابق نائب وزیراعلیٰ ڈاکٹر ٹی۔ راجیا نے گاؤں جاکر متاثرہ خاندان سے ملاقات کی اور تعزیت کی۔