تلنگانہ:قبائلی خاتون کی اجتماعی عصمت دری

حیدرآباد: تلنگانہ کے میدک ضلع میں ایک انسانیت سوز واقعہ پیش آیا ہے۔ اطلاعات کے مطابق ایک قبائلی خاتون، جو مزدوری کے لئے کام پر گئی تھی کی اجتماعی عصمت دری کی گئی۔

بتایاجاتا ہے کہ نامعلوم افراد نے خاتون کو جنگلاتی علاقہ میں لے جا کر اجتماعی عصمت دری کی۔ بعد ازاں درندوں نے اس پر تشدد کیا۔

خاتون رات بھر بے ہوشی کی حالت میں جنگل میں پڑی رہی۔ صبح جب مقامی افرادنے اسے نیم مردہ حالت میں دیکھا تو فوراً پولیس کو اطلاع دی۔ پولیس موقع پر پہنچی اور زخمی خاتون کو اپنی گاڑی میں اسپتال منتقل کیا۔

بہتر علاج کے لئے اسے سکندرآباد کے گاندھی اسپتال لے جایا جا رہا تھا کہ راستے میں ہی اس کی موت ہوگئی۔ پولیس نے اس واقعہ پر اجتماعی عصمت دری اور قتل کا مقدمہ درج کر کے تحقیقات کا آغازکردیا۔