تلنگانہ:کارالٹ گئی۔دو افرادہلاک

حیدرآباد: تلنگانہ کے ضلع نلگنڈہ میں پیش آئے سڑک حادثہ میں دو افراد ہلاک ہوگئے۔

یہ حادثہ کل شب ضلع کی پولے پلی رام نگر گیٹ کے قریب اُس وقت پیش آیا جب کار کے ڈرائیور نے اس کا توازن کھودیا اور یہ کار الٹ گئی۔

حادثہ اتنا شدید تھا کہ کارکو شدید نقصان پہنچا۔مہلوکین کی شناخت اروند اور رگھوچاری کے طورپر کی گئی ہے۔

ایک اورشخص جس کی شناخت ڈی پربھاکر کے طورپر کی گئی ہے، شدید طورپر زخمی ہوگیا۔مقامی افراد نے اس کوعلاج کے لئے فوری طورپر اسپتال منتقل کردیا۔