حیدرآباد: کہتے ہیں محبت رنگ، نسل، مذہب، علاقہ، تہذیب اورسماجی بندھن نہیں دیکھتی ہوجاتی ہے۔
اسی طرح کی محبت کے بعد تلنگانہ کے ضلع نظام آباد سے تعلق رکھنے والا نوجوان اور انڈونیشیا کی لڑکی شادی کے اٹوٹ بندھن میں بند ھ گئے۔
ضلع کے سلور منڈل سے تعلق رکھنے والے اس نوجوان جس کی شناخت نیل کنٹھم کے طورپر کی گئی ہے، اس نے اعلی تعلیم حاصل کرنے کے لئے 8 سال پہلے انڈونیشیا کا سفر کیاجہاں اس کی ملاقات کالج میں دیجس دبیورا سے ہوئی تھی۔
یہ ملاقات محبت میں تبدیل ہوگئی اور مختلف تہذیب اور ثقافتی پس منظر رکھنے کے باوجود ان دونوں نے اپنی محبت کو شادی میں تبدیل کرنے کافیصلہ کیا اور ان کے خاندانوں نے بھی اس فیصلہ کااحترام کرتے ہوئے اس پر اپنی توثیق کی مہر ثبت کردی۔
اور اس کی مکمل حمایت کی جس کے بعد یہ دونوں، اپنی ارکان خاندان، دوستوں، بزرگوں اور دیگر رشتہ داروں کی موجودگی میں نظام آباد کے بودھن ٹاون میں ایک ہوگئے۔
ان کی شادی کی تقریب میں مقامی اہم شخصیات نے بھی شرکت کی۔
