حیدرآباد

100دنوں میں 6ضمانتوں کے نفاذ کا تلنگانہ کی کانگریس حکومت نے دھوکہ دیا:بنڈی سنجے

بنڈی سنجے نے کہاکہ حکومت کو ان کسانوں کی مدد کرنی چاہیے جنہیں نقصان ہوا ہے۔ انہوں نے الزام لگایا کہ کانگریس پارٹی کی جانب سے اسمبلی انتخابات میں کئے گئے وعدوں پر یقین کرنے والے کسانوں کو دھوکہ دیا گیا۔

حیدرآباد: بی جے پی کے قومی جنرل سکریٹری و رکن پارلیمنٹ بنڈی سنجے نے کہا ہے کہ اسمبلی انتخابات میں اقتدار میں آنے والی کانگریس نے دھوکہ دیا کہ وہ 100 دنوں میں 6 ضمانتوں کو نافذ کرے گی۔انہوں نے کسانوں کے مفاد میں تلنگانہ کے ضلع کریم نگر میں ایک روزہ بھوک ہڑتال کی۔

متعلقہ خبریں
دھان کی خریداری میں دھاندلیوں کی سی بی آئی جانچ کروائے گی:بی جے پی
پون کلیان کے بیان کی مکمل حمایت: بنڈی سنجے
رکن اسمبلی ماجد حسین اور فیروز خان کے خلاف کارروائی کا انتباہ
شعبان کی پندرہویں شب میں اللہ تعالیٰ تمام مخلوق کی طرف متوجہ ہوتا ہے اور اپنی ساری ہی مخلوق کی مغفرت فرما دیتا ہے: مولانا حافظ پیر شبیر احمد
تلنگانہ:مصیبت میں گھرے افراد کی بروقت مدد۔غیر معمولی خدمات پر کانسٹیبل شراون کمارکو باوقارراشٹرپتی جیون رکشاپدک

اس موقع پر میڈیا سے بات کرتے ہوئے انہوں نے کہاکہ حکومت کو ان کسانوں کی مدد کرنی چاہیے جنہیں نقصان ہوا ہے۔ انہوں نے الزام لگایا کہ کانگریس پارٹی کی جانب سے اسمبلی انتخابات میں کئے گئے وعدوں پر یقین کرنے والے کسانوں کو دھوکہ دیا گیا۔

 انہوں نے کہا کہ کانگریس نے رعیتوبھروسہ کے تحت کسان کو 15 ہزار روپے فی ایکڑ دینے کا وعدہ کیا تھا اور اب وہ کیوں نہیں دے رہے ہیں۔ کسانوں کے لیے 2 لاکھ روپے کی قرض معافی کی اسکیم کیوں نافذ نہیں ہو سکی؟ انہوں نے کہا کہ مرکزی حکومت کی طرف سے دی گئی امدادی قیمت کے علاوہ دھان پر 500 روپے فی کوئنٹل بونس دینے کی کوئی ضمانت نہیں ہے۔

 انہوں نے فوری طور پر فصل پر بونس کا اعلان کرنے کا مطالبہ کیا۔ انہوں نے کہاکہ حکومت کو فوری طورپر ان کسانوں کی مدد کرناچاہئے جن کی فصلوں کو بے وقت بارش سے نقصان پہنچا۔