جرائم و حادثات

آندھراپردیش میں بھیانک سڑک حادثہ، 7 افراد ہلاک

آندھرا پردیش کے گورنر ایس عبدالنذیر نے ہفتہ کی صبح نیلور ضلع میں کوالی-مسونورو ٹول پلازہ کے قریب پیش آنے والے سڑک حادثے پر دکھ اور گہرے رنج کا اظہار کیا۔ انہوں نے سوگوار لواحقین سے دلی تعزیت کا اظہار کیا۔

نیلور: آندھرا پردیش کے نیلور ضلع کے مسنورو گاؤں میں ہفتہ کی صبح تین گاڑیوں کے آپس میں ٹکرانے سے 7 افراد کی موت ہو گئی اور 15 زخمی ہو گئے۔

متعلقہ خبریں
الیکشن سے قبل گاڑیوں کی تلاشی مہم: 5.12 کروڑ ضبط، 6 افرادگرفتار
اے پی وزیر کے قافلہ کی گاڑی سے ٹکر ایک شخص ہلاک
نتائج کے اعلان کے بعد 15 دنوں تک مرکزی فورس کی 25 کمپنیاں برقرار رکھنے کی ہدایت
آج سے 4دنوں تک بارش کا امکان
اے پی کے چیف سکریٹری اور ڈی جی پی دہلی طلب

پولیس ذرائع نے بتایا کہ حادثہ اس وقت پیش آیا جب ایک بس چنئی سے حیدرآباد جارہی تھی کہ مسنورو ٹول پلازہ پر ایک ٹرک نے دوسرے ٹرک کو ٹکر مار دی۔ اسی دوران تیز رفتاری سے آرہی ایک نجی ٹریول بس پیچھے سے ٹکراگئی۔

 جس میں بس میں سوار چار مسافر، دو ٹرک ڈرائیور اور ایک پرائیویٹ بس ڈرائیور ہلاک اور 15 دیگر زخمی ہوگئے۔ زخمیوں کوکوالی اور نیلور کے جی جی ایچ اسپتال میں داخل کرایا گیا ہے۔

آندھرا پردیش کے گورنر ایس عبدالنذیر نے ہفتہ کی صبح نیلور ضلع میں کوالی-مسونورو ٹول پلازہ کے قریب پیش آنے والے سڑک حادثے پر دکھ اور گہرے رنج کا اظہار کیا۔ انہوں نے سوگوار لواحقین سے دلی تعزیت کا اظہار کیا۔

ایم ایل اے پرتاپ ریڈی نے اسپتال میں زخمیوں سے ملاقات کی اور انہیں ہر ممکن مدد کا یقین دلایا۔ حادثے کے بعد چنئی-کولکتہ ہائی وے کے دونوں طرف تقریباً تین کلومیٹر تک گاڑیاں پھنس گئیں۔ پولیس نے تباہ شدہ گاڑیوں کو سڑک سے ہٹا کر ٹریفک کو رواں دواں کیا۔ مرنے والوں کی شناخت کا کام جاری ہے۔